साविक सुदूरपश्चिमाञ्चल विकास क्षेत्रको क्षेत्रीय कृषि निर्देशनालयको रुपमा यो कार्यालय वि.सं. २०४० सालमा स्थापना भएको थियो । तत्कालीन श्री ५ को सरकारको मिति २०४९/४/१ को निर्णय अनुसार कृषि मन्त्रालय अन्तरगत साविकको कृषि विभाग र पशु सेवा विभागको एकिकरण भई कृषि विकास विभाग र क्षेत्रियस्तरमा क्षेत्रीय कृषि विकास निर्देशनालय नामाकरण गरिएता पनि वि.सं. २०५२ सालमा कृषि विभागको नयाँ संरचना अनुरुप कृषि विभाग अन्तरगत पुनः क्षेत्रीय कृषि निर्देशनालयको स्थापना भएको थियो ।सङ्घीयता पश्चात सुदूरपश्चिम प्रदेश सरकारको गठनसँगै भूमि व्यवस्था, कृषि तथा सहकारी मन्त्रालयको स्थापना भइ सो मातहत रहने गरी आ.व. २०७५/०७६ श्रावणमा कृषि विकास निर्देशनालयको स्थापना भएको हो ।

यस निर्देशनालय मातहत कृषि व्यवसाय प्रवर्द्धन सहयोग तथा तालिम केन्द्र, ९ वटा कृषि ज्ञान केन्द्रहरु, माटो तथा मल परिक्षण प्रयोगशाला, बाली संरक्षण प्रयोगशाला, बीउ बिजन प्रयोगशाला, सुख्खा फलफूल विकास केन्द्र र तरकारी जर्मप्लाज्म सम्वर्द्धन तथा बीउ उत्पादन केन्द्र रहेको छ । हाल यस निर्देशनालयमा ९ वटा शाखाहरुबाट मन्त्रालयलाई कार्यविधि, मापदण्ड बनाउन सहजिकरण, कृषि पूर्वाधार तथा कृषि विकास सम्बन्धी कार्यक्रम संचालन तथा अनुगमन, मुल्याङ्कनको कार्यक्रमहरु हुदै आएको छ।